67. pinnit - bu proqram mənim həyatım boyu işlətdiyim ən gözəl applərdən biri ola bilər. mənim not almaqla problemim odur ki, not aldığımı unuduram. proqramı açıb notalara baxmaq yadımdan çıxır. bu proqramda istədiyiniz bir qeydi alırsız və bu qeyd düşür notification panelə. siz delete edənə qədər də ordan getmir. xırda qeydlər üçün (evə çörək al, atm-dən pul çıxart və s.) çox faydalıdı. çünki bildiriş daimi o paneldə göz qabağında qalır. ikinci vacib funksiyası isə sizin notification keçmişinizi oxuya bilməsidir. telefona gələn istənilən bir bildirişi not kimi yadda saxlaya bilərsiz. yəni kimsə sizə "x bir işi həll et" deyə mesaj yazıbsa bunu bir düymə ilə nota çevirə bilirsiz. əlavə əllə yazmağa ehtiyac yoxdu.
Bluetooth audio connect widget - Bluetooth qulaqlıqları eyni anda həm telefona həm də kompüterə qoşub işlədənlər bilər. telefona bildiriş gələn kimi kompüterdə dinlədiyin şeyin səsi kəsilir. adam əsəb olur. ancaq telefonla qulaqlığın əlaqəsini kəsmək, sonra işin bitəndə onu bir də qoşmaq adama əziyyət kimi gəlir. bu app onu tənzimləyir. ekrana widget əlavə edirsiz. telefonla qulaqlıq arasındakı əlaqəni tam kəsmir ancaq səs doğru yönləndirir. qulaqlıq və pc arasında problem olmur. istədiyiniz vaxt bir toxunuşla əlaqəni bərpa edirsiz.
digipaws - içində focus mod, app blocker və reel blocker funksiyaları var. reel blocker instagram reels və youtube-u shorts bloklamağınıza, app blocker isə seçdiyiniz appləri tam bloklamağa kömək edir ki, ekran müddətinizi azaldasız. blokladığınız proqrama daxil olanda sizi 15 saniyə gözləməyə məcbur edir, proqrama daxil olduqdan sonra isə müəyyən müddətdən sonra sizi proqramdan atır. yenidən girmək istədikdə yenə 15 saniyə gözləməli olursuz. fokuslanmaqda problem çəkən, instagram əlindən düşməyən insanlara çox faydalı proqramdı. bu app blok funksiyası bir neçə müddət sonra andoidə funksiya olaraq gələcək.
focus friends - digipaws alternativi. focus işini oyun halına gətiriblər. müəyyən funksiyalar ödənişlidi.
drink water - gündəlik olaraq içdiyiniz suyun hesabını aparmağa yarayan app.
kinnu - istədiyiniz bir mövzuda (məs: incəsənət, din, tarix, məntiq və s.) sizə pulsuz sadə dərslər verən app. sizi tarix və ya məntiq alimi etməyəcək ancaq kiçik-kiçik dünya görüşünüzü artırmağa kömək edəcək.
lightweight - bütün fitness proqramlarının aylıq abonəlik istədiyi bir yerdə faydalı ödənişsiz fitness proqramı. bədənin istənilən nahiyəsini seçirsiz sizə o nahiyə ilə bağlı məşqləri video formatında göstərir. videoları da reels kimi sürüşdürə bilirsiz. digər proqramların çoxunda video yox qrafik olur. video anlamağa daha yaxşı kömək edir.
simple days counter - vərdişinizi, yaxud önəmli günə neçə gün qaldığını izləmək üçün sadə proqram. belə proqramların çoxu ya ödənişli olur ya da içi reklamla dolu. mənim tapdığım ən yaxşısı budur.